СОВЕТСКИЙ районышто илыше 42 ияш пӧръеҥлан Интернетыште пашам сӧреныт. Кэшбек йӧн дене сай пашадарым ыштен налаш лиеш манын ӱшандареныт. Тидлан телефоныш приложенийым качатлыман да оксам пыштыман.
Пӧръеҥ чыла йодмашым шуктен, но «интернет-йолташ» дене кыл йомын. Мошенниклан 74500 теҥгем картышкыже колтен улмаш.
ВОЛЖСК олаште илыше 41 ияш пӧръеҥ Интернетыште сварке аппаратым шулдын ужалыме нерген уверым ужын.
Озаж дене кутырен келшен, 19500 теҥгем картышкыже колтен. Тудо эше 1000 теҥгем намиен пуышо сервислан колташ йодын. Жап эртен, а сату толын огыл. Кондаш сӧрымӧ верыш йыҥгыртымеке, тушто тыгай заказ уке маныныт.