Йошкар-Олаште илыше 31 ияш ӱдырамашлан банкын безопасность службо пашаеҥже улам манын йыҥгыртеныт. Тудын банк картше гыч оксам шолыштмо нерген ойленыт, да оксам пӧртылташ манын, картын данныйжым йодыныт. Чыла данныйым каласымеке, 20 тӱжем теҥге оксаже йомын.
Волжск оласе ик пачерыште 30 ияш ӱдырамашым, 13 ияш рвезым да 11 ияш ӱдырым шуралтен пуштыныт. Марий Эл Республикын следственный комитетше тидын шотышто тергымашым эртара.