Кримувер

Йошкар-Олаште илыше 39 ияш ӱдырамашын ола воктенысе сад участкыж гыч казаным, кольмым да эше икмыняр ӱзгарым шолыштыныт. Тидым озавате окна гыч ужын, но ворым поктен шуын огыл. Полиций пашаеҥ-влак титаканым муыныт. Арвер-влакым Медведево район гыч 63 ияш пӧръеҥ луктын наҥгаен да палыдыме еҥлан ужален.

Йошкар-Олаште илыше 28 ияш ӱдыр Интернетыште оренбургский шовычым ужалыме нерген уверым лудын да йодмашым колтен. Арня гыч почто дене посылке толын. Тудым оксам тӱлен налын. А мӧҥгӧ пӧртылмекыже, коробкаште шовыч олмеш кагаз ора киен.

Йошкар-Оласе Петров уремысе ик пӧртын кандашымше пачашыж гыч пӧръеҥ камвозын да колен. Туткарын амалже рашемдалтеш.

Медведево посёлкысо Логинов уремысе ик пӧртын подъездше гыч велосипедым шолыштыныт. МВД пашаеҥ-влак шолыштшым кычалыт.

Интернет гыч налме фото.