Россий Федерацийын генеральный прокуратуржо самырык-влаклан «Коррупций ваштареш пырля!» тӱнямбал социальный антикоррупционный рекламе конкурсым эртара.
Конкурслык пашам www.anticorruption.life. конкурсын сайтышкыже колтыман. Туштак шукырак уверым муаш лиеш.
Конкурс кум номинацийыште («Эн сай плакат», «Эн сай сӱрет», «Эн сай видеоролик») да ийгот шот дене кум тӱшкаште (10-15 ияш-влак коклаште; 16-20 ияш-влак; 21-25 ияш-влак) эртаралтеш. Конкурс пашам 1 октябрь марте погат.
Конкурсым Коррупций ваштареш кучедалме тӱнямбал кечылан (9 декабрьыште) иктешлышаш да сеҥыше ден призер-влакым увертарышаш улыт.