Кодшо арнян республикыште «Безопасные качественные дороги» нацпроект почеш пашам шуктымо нерген Марий Эл Республикын транспорт да корно озанлык министрже А.Герасименко каласкалыш.
Ты нацпроект почеш кум региональный проект шукталтеш. Тидлан 2019 ийыште 2200,8 млн теҥгем ойырымо, 2020 ийыште – 3679,6 млн теҥгем. 2020 ий мучаш марте 50 видеофиксаций комплексым йӧнештарыме. Тыгак Кокшайск – Красногорский кугорнышто республикыштына нелытым да габаритым тергыше икымше автоматический пунктым ыштыме. Тений проект почеш 4 млрд 276 млн теҥге ойыралтын, региональный корным ачалаш – 2 млрд 766 млн теҥге. Нацпроектым 2030 ий марте шуйымо.