Марий Элыште Российысе «Регион добрых дел» конкурсын регионысо йыжыҥже тӱҥалын. Тудо волонтёр-влакын эн ойыртемалтше пашаштым илышыш шыҥдараш полшымо амал дене эртаралтеш.
Конкурсыш регистроватлалтдыме коммерческий да правительстве пеленысе огыл организаций-влак Тыгак кугыжаныш да муниципал учреждений-влак ушнен кертыт. Проектлан ик миллион наре теҥге ойыралтеш. Тудым школышто тунемше, студент але пашам ыштен кертше еҥ, сулен налме канышыште улшо-влак коклаште поро пашам шукташ кумылаҥдышаш.
Конкурсыш ушнаш йодмашым 1 май марте mol-dvorets@dm-mari.ru электрон почтыш колтыман. Тушто «Регион добрых дел – заявка» манын палемдыман.
Йодмашым колтымо шотышто иктаж йодыш лектеш гын, 8(8362) 38-33-16 але 8(8362) 235064 телефон номер дене йыҥгырташ лиеш.