Козьмодемьянск олан кубокшо верч Юлышто колызо-влак таҥасеныт. Тушто 24 еҥ мастарлыкшым терген. Нунын кокла гыч иктыже – ӱдырамаш. Таҥасымаш кок этап дене лийын. Пытартышлан мыняр кг колым кучымым висеныт да колым мӧҥгеш колтеныт. Иктешлымашым кок турышто погымо балл дене шотленыт. Тыге икымше верыш Павел Мешков лектын. Тудо 4800 г колым кучен. Кокымшо – Владислав Шеин, да кумшо – Алексей Долгушев. Сеҥыше-влаклан окса сертификатым пуэныт, а Марина Дёгтевалан теле эҥырым да спонсор деч мормышницым кучыктеныт.