25 апрель гыч 5 июнь марте Куйбышев водохранилищысе да 10 апрель гыч 10 июнь марте Чебоксар водохранилищысе эҥерлаште колым да ракым кучаш чарыме.
Ты жапыште эҥыр дене гына колым кучаш лиеш, но мӧртньым кышкыме верыште огыл. Да тыгодым эҥыр кокыт деч шуко лийшаш огыл. Марий Элыште мӧртньӧ верлам посна палемдыме, нуным Марий Элысе Пӱртӱс поянлык, экологий да йырвелым аралыме шотышто министерствын «Рыболовство» разделыштыже ончыман.