Марий Эл Республикысе пӱртӱс поянлык, экологий да йырым-йырысе тӱням аралыме министерстве кундемыштына кол промышленность пашам шукташ вӱд участкылаште колым кушташ правам налме шотышто конкурсым иктешлен.
Чылаже тушто колым кучымо 13 участкым ончымо. Нуно Звенигово, Килемар, Курыкмарий, Юрино районлаште верланеныт. Кумдыкышт 34,628 тӱжем гектарым авалта.
Колым кучымо участкыла дене пайдаланымылан федеральный бюджетыш 7,5 млн теҥгем колтымо. Шым вӱд ресурсышто колым кушташ 13 договорым 20 ийлан ыштыме.