31 майыште Марий тӱвыра рӱдер «Колумб лудмаш» конкурсым онлайн эртара. Конкурсыш йочасадыш, школыш коштшо икшыве, тыгак студент-влак ушнен кертыт. Нуным ийготым ончен аклаш тӱҥалыт: 7-11 ияш-влак; 12-16 ияш-влак; 17 ияш да кугурак-влак. Участник-влак В.Колумбын почеламутшым (произведений гыч ужашым) марла каласкалат, поэт нерген вес автор-влакын возымо марла почеламутыштым лудыт, В.Колумбын вес йылмылаш кусарыме але авторский произведений-влакым наизусть ойлат. Конкурсыш ушнаш манын, 26 май марте maricenter@mail.ru электрон почтыш йодмашым колтыман але (88362) 45-88-51 номер дене йыҥгыртыман.