Марий Элым Вуйлатыше Ю.Зайцев Йошкар-Оласе И.С.Палантай лӱмеш тӱвыра да сымыктыш колледжым олмыктымо деч вара ончал савырнен.
Тушто ты сомыл кум ий шукталтын. 2022 ийыште зданийысе леведышым тӱрыснек вашталтеныт. 2023 ийыште фойэм реставрироватленыт, 1-ше да 2-шо пачашын шола вел ужашыштыже верланыше тунемме кабинет-влакым ачаленыт, коридорым, электротул системым, пожар сигнализацийым ыштеныт, омсам шынденыт. Ӱмаште спортзалым, инженер коммуникацийым уэмденыт. Ты пашам Марий Элысе «Культура Марий Эл на 2013-2030 годы» кугыжаныш программе кӱшеш ыштеныт. Тидлан республикысе бюджет гыч 50,1 миллион теҥге ойыралтын.
Марий Элым Вуйлатышын пресс-службыжын фотожо.