Кажне ийын «iВолга» форумыш шукырак самырык еҥ ушна. Тений тушто 26 тӱжем утла еҥ шке проектше дене лектын.
Кодшо кечылаште рашемын: Юл кундем федеральный округышто (14 регион) Марий Эл кокымшо верыш лектын. Кундемна гыч делегацийыш кандаш образовательный программе дене (кокытшо тений у лийын, «Детская iВолга» ден «Государственная молодёжная политика») 241 резидент логалын. Чолга еҥ-влакым Йошкар-Олаште Самырык-влаклан полатыште саламленыт. Эн ойыртемалтше проект-влак радамыште «Школа первой помощи от волонтёров-медиков», «Митохондриальные транспортные системы» да молат.
Тений форум онлайн формат дене эртаралтын гынат, образовательный программе деч посна «Мо? Кушто? Кунам?», лото, кинотеатр, книгагудо, чайный да моло оҥай мероприятият лийыныт.