7-9 ноябрьыште Удмуртий Республикысе Глазов олаште «Школа будущего» педагогический фестиваль эртаралтын.
Тушко МарГУ гыч студент-влак миен коштыныт да 7 конкурс заданийыште шинчымаш ден мастарлыкыштым тергеныт. Тиде – вожатский ситуаций (кейсым решатлымаш), визитке, педагогике дене теоретический заданий, капитан-влакын конкурсышт, ончыкылыкым туныктышын мастаргудыжо, родительский собраний.
Конкурслаш тыгак тунемше-влак дене ача-авашт ушненыт. Нунын полшымышт дене студент-влак ача-ава-влак погынымашым эртареныт да урокын ик ужашыжым модын ончыктеныт. Тыге «Родительское собрание» конкурсышто МарГУ-н студентше-влак кокымшо верым налыныт.
МарГУ-н ВК-се тӱшкаж гыч налме фото.