24 ноябрьыште У Торъял районысо Д.И.Онар лӱмеш Токтарсола школышто Кисан кечыжым палемденыт.
«Телым кайык-влакым пукшо» агитаций кагазым пошкудо яллашке сакеденыт, класс-влак экологий плакат-влакым сӱретленыт, «Телым кайыклан мом пукшаш лиеш да мом огеш лий?» йодыш-влаклан вашмутым кычалыныт.
Тунемше-влак кормушкым шке ыштеныт да школысо садерыш сакалтеныт. Ынде кажне класс тудым эскераш, эрыкташ, лумым кораҥдаш, кайык-влакым пукшаш тӱҥалеш. Пайрем оҥайын, пайдалын да веселан эртен.
