КОНКУРС! КОНКУРС! КОНКУРС!
Мый Йошкар-Оласе ик йочасадыште воспитатель улам. Яра жапыште тӱрлӧ кидпашам ышташ йӧратем: пидам, ургем (йоча-шамычем да шкежат мыйын ургымо вургемым чияш йӧратена), картиным сӱретлем, кухньылан оҥа, прихватке-шамычым ыштылам. Тошто джинс вургем гыч мотор сумка-шамычым ургаш тӱҥалынам. А пытартыш жапыште тӱрлӧ мотор ластык гыч одеял ден пледвлакым ургем. Эше шуко шонымашем уло, жап веле ситыже.
Ирина ВАСИНКИНА.
Пагалыме лудшына-влак. Те могай кидпашам ышташ йӧратеда? Фотом ыштыза да редакцийышкына колтыза. Шкендан нергенат изишак палдарыза. Эн оҥай кум пашан да текстын авторыштлан пӧлек лиеш.