Кефирыште тушитлыме кролик

Кӱлыт: 2 кг кролик шыл, 4 шоган, кефир, 2 изи совла горчице, 1 пӱй чеснок, укроп, шинчал, шашлыклан але шыллан келшыше приправе.

Шылым сайын мушса, икмыняр ужашлан пӱчкедыза. Шоганым оҥго семын, чеснокым тыгыдын падыштыза. Келге атыш шылым пыштыза, ӱмбакыже – чеснокым, шоганым, горчицым, приправым, тыгыдемдыме укропым, шинчалым. Вара шыл ӱмбак кефирым опталза. Тиде маринадыште шылым 12 шагат шинчыктыза. Противеньыш ӱйым шӱрыза да шылым маринад дене пырля пыштыза. 220 градус марте ырыктыме духовкышто ик шагат кӱктыза.