Кеҥежымсе спартакиаде

Морко посёлкышто шукерте огыл допризывной молодёжь коклаште кеҥежымсе спартакиаде  лийын.

Тушто Коркатово лицейыште тунемше рвезе-влакат шке вийыштым, чулымлыкыштым тергеныт. Таҥасымаш тӱрлӧ лийын: 100 да 2000 метрыш куржыныт, гранатым кышкеныт, пневматический винтовко дене лӱйкаленыт. Ӱчашымаште Коркатово лицейын командыже эн  сай результатым ончыктен да икымше верым налын. Ынде тудо Морко районын чапшым республикысе таҥасымаште арала.

Тыгак Артур Иванов 1-ше верыш лектын, Егор Ландышев кумшо верыш.

Фотом школын архивше гыч налме.

Артур шола гыч кудымшо шога, Егор шымше.

В.Смирнов-Васильев.