Тений кеҥежым кундемысе 180 тунемме тӧнежыште йоча-влак кечывал жапым лагерьыште эртареныт.
Школ пелен келыштаралтше тыгай лагерьлаште чылаже 12614 тунемше канен. Тушто нуным кок гана шокшо кочкыш дене сийленыт. Лагерь-влакын кузе пашам ыштымышт шотышто тергымаш сомыл эреак шукталтын. Йоча-влакын гигиеным шуктымо, мушмо да эрыктыме средствам чын аралыме, пищеблокышто документацийым вӱдымӧ, модмашым организоватлыме да тудым эртарыме верлам ямдылыме шотышто икмыняр пудыртымашым палемденыт.