Медведево район Песчаный посёлкышто верланыше В.Дубинин лӱмеш тазалыкым пеҥгыдемдыме да образовательный йоча рӱдер у тургымлан ямдылалтеш.
2023 ийыште тыште 1200 наре икшыве канышаш. Вич тематичесий смене лиеш: лидерский, патриотический, музыкальный, кинематографический, спортивный.
Йоча рӱдерыште кызыт персоналлан пӧлем-влакым ачалат, инженерный коммуникацийым вашталтат, у сантехникым келыштарат. Ӱмаште 6-7 ияш-влакын илыме корпусым уэмдыме, коммуникацийым вашталтыме. Тений верандым тӧрлатыме, у мебельым налме. Шыжым кочмыверым ачалышаш улыт.