Марий Элыште йоча да подростко-влакын кеҥеж жапыште тазалыкыштым пеҥгыдемдыме кампаний умбакыже кая.
Ончылгоч палемдыме почеш, республикыште тений кеҥежым тазалыкым пеҥгыдемдыме 204 тӧнеж: ола воктенысе 19 стационарный тӧнеж, школ пеленысе 179 лагерь да 6 палаточный лагерь – пашам ыштышаш улыт. Тушто 29 913 йоча канышаш.
Кызыт йоча-влакын тазалыкыштым пеҥгыдемдыме тӧнеж-влакын кеҥеж тургымлан ямдылалтмым тергат, экспертизе-влакым эртарат да санитарно-эпидемиологический заключений-влакым пуат, палдара Роспотребнадзорын Марий Элысе управленийже.
Марий Элысе Образований да науко министерствын архивше гыч налме фото.