«Время героев» федеральный кадровый проектыш Юл кундем федеральный округысо 14 регион ушнен.
Элым вуйлатыше В.Путинын кӱштымыж почеш Юл кундемысе чыла регионышто ты проектыш ушненыт. Тудо специальный военный операцийысе ветеран-влакым кугыжаныш да муниципальный пашалан ямдыла. Тудын негызшылан икмыняр субъектыште СВО гыч пӧртылшӧ военнослужащий-влакын сай адаптацийым эртымыштым налме.
ПФО-со ик регионышто – Самара областьыште – кодшо ийын 1 октябрь гыч «Школа героев» программе пашам ышта. Тушто профессионал-влакым туныктат да спецопераций участник ден нунын ешыштлан паша верым муаш полшат.
Тений 10 мартын данныйже почеш «Время героев» программыш ПФО гыч 5300 наре еҥ регистрацийым эртен. Эн шукынжо Татарстаныште – 994, Угарманыште – 888, Башкортостаныште – 825. Иктешлымеке, округ гыч 745 еҥым ойырат, 360 еҥжым резервыш кодат.
Ты кечылаште Марий Элым Вуйлатыше Ю.Зайцев «Россия — страна возможностей» платформо дене соглашенийым подписатлен. Марий Элыште «Герои Марий Эл» программе пашам ышташ тӱҥалеш.
Йодмашым 18 апрель марте налыт. Тичмаш уверым сайтыште ончыза: герои-марий-эл.рф.