31 октябрьыште – 1 ноябрьыште Йошкар-Олаште Мер Каҥашын марий форумжо эрта.
Тудо Марий Элын 105 ияш лӱмгечыжлан, тыгак «Марий Эл» газетлан 110, Марий книга савыктыш пӧртлан 100, Т.Евсеев лӱмеш калыкле тоштерлан 105, Йылмым, литературым да историйым шымлыше В.М.Васильев лӱмеш марий институтлан 95, «Морко мланде» ден «Шернур вел» райгазет-влаклан 95, да Марий Эл Радиолан 20 ий темылан пӧлеклатын.
Тӱрлӧ кундем гыч шуко ен толын.
Таче Мер-политик рудерыште «Марий Эл» увер агентствын фотокорреспондентше, Марий Эл тӱвыран сулло пашаеҥже Михаил Скобелевын кок ончерже («Ме Марий Элыште илена» да «Кӧ гын тиде ӱдыр?») почылто.
Ончалза, аклыза.