10 январьыште Советский посёлкышто ты районысо администраций вуйлатышын призше верч картинг дене таҥасымаш лийын.
Тушко тӱрлӧ кундем гыч 114 участник ушнен. Нуно Мини, Дружба, Пионер, Пилот, Минск юниор, Минск стандарт (18 ияш деч кугурак-шамычлан), Ветеран 4Т, Леди 4Т, Ротакс классан машина-шамыч дене таҥасеныт. Минск юниор классыште эн шуко (28) спортсмен вийжым терген.
Ты таҥасымашыште Параньга районын командыже сеҥышыш лектын, Советский районын командыже кокымшо лийын.
Советский район администрацийын ВК-се тӱшкаж гыч налме фото.