Карелийыште кажне ийын И.А.Федосова лӱмеш премийым кучыктат. 2024 ийысе премий Медвежьегорск ола гыч кантелист-влакын «Звучащий короб» ансамбльыштлан пуалтеш. Тудын кугытшо – 50 тӱжем теҥге.
Коллективыш 8-13 ияш 11 талантан йоча коштеш. Нуно диатонический кантеле дене шокташ да Карелийысе калык-влакын музыкальный йӱлаштым тунемыт. Репертуарыштышт карел сем гына огыл, моло сӧрал произведений-влакат улыт.