Российын тӱрлӧ регионжо гыч самырык ӱдыр-рвезе-влак «Камчатка-2021» регион-влак кокласе студент паша проектышкыже ушнат. Тылзат пеле жапыште Камчаткыште кол обработкым (обработчик) ыштыше пашаеҥын профессийже дене палыме лийыт, ты пашалан тунемыт.
Ты проект 4 июль гыч 25 август марте шуйна. Тушко Российын вузшо, сузшо гыч 120 тунемше кайышаш. Участник-влак Моско, Санкт-Петерург олала, Астрахань, Краснояр, Киров, Самара, Ульяновск кундемла, Тува, Татарстан, Марий Эл республикла гыч лийыт.Тушко Марий Эл гыч студент-влак каят. Тыгай шотан проектышке нуно икымше гана ушненыт.