Кызыт республикыштына «Безопасные качественные дороги» нацпроект почеш икмыняр кӱварым ачалат.
Медведево район Монаҥэҥер гоч кӱварым «Мостремстрой» организаций олмыкташ тӱҥалын. Тушто 2019 ий годсек кугу нелытан автомашиналан кудалаш чарыме. Тӧрлымӧ пашалан федеральный бюджет гыч 47 млн утла теҥге ойыралтеш. Контракт почеш у кӱвар 31 июль марте ямде лийшаш.
Тыгак Руй эҥер гоч кок кӱварым олмыктат. Иктыже – У Торъял район Крешын Руй ял воктене верланен, весыже – Ошканер ден Семисола ял-влак коклаште.