Школышто тунемше-шамыч коклаште мотокросс дене республикысе таҥасымаш-влак лийыныт. Тушко 28 спортсмен ушнен.
Участник-влак Йошкар-Оласе йоча да самырык технический усталык рӱдер, Медведево районысо йоча усталык пӧрт, Медведево, Кужэҥер, Советский посёлкыла, Йошкар-Ола гыч чумыргеныт. Нуно мопед да мотоцикл дене таҥасеныт.
Команде дене зачётышто эн ончылно Йошкар-Оласе Йоча да самырык технический усталык рӱдерын «Картинг» клубын участникше-влак лийыныт. Кокымшо верыште – Медведево районысо йоча усталык пӧртын воспитанникше-шамыч. Спецдиплом дене таҥасымашын эн изи участникшым Макар Ефремовым палемденыт. Рвезе Йоча да самырык технический усталык рӱдерыште шуаралтеш.
Марий Элысе Образований министерствын сайтше гыч налме фото.