21 декабрьыште Республикысе изосымыктыш тоштерыште Марий Турек посёлкышто шочшо да тусо йоча сымыктыш школым, Йошкар-Оласе художественный училищым тунем пытарыше Артём Фёдоровын «Позывной «Художник» ончержым почмо. Талантан сӱретчынам патриот шӱлышан улмыжо контракт почеш служитлаш наҥгаен. Чаманена, тений 19 майыште Украинысе военный операцийыште тудо вуйжым пыштен.
Шочмо кечыж лӱмеш
Патриот улмыжым туныктышо-влакат пеҥгыдемден каласышт: Артём армийыш служитлаш отсрочкым налын кертын, но кумшо курс деч вара шке кумылын каен. Ик ий гыч пӧртылын да училищым тунем пытарен.
Артём ила гын, 21 декабрьыште 30 ийым тема ыле. Тоштерыште ончерым Екатерина пелашыже полшымо дене чумырымо.
Умбакыже — 23 декабрьысе номерыште.
