Новосибирскыште «Сила традиций» греко-римский кучедалмаш дене тӱнямбал турнир эртаралтын.
Тушто Российын 40 регионжо, тыгак Казахстан, Беларусь, Армений да Кыргызстан гыч 200 наре атлет таҥасен. Марий Элын чапшым Олимпийский резерв училищын студентше Юрий Ронжин арален да турнирын чемпионжо лийын. Юрий Ронжинын тренерже – Артур Садыков, палдара Марий Элысе Спорт министерстве.
Марий Элысе Спорт министерствын архивше гыч налме фото.