Юл кундемысе федеральный округышто шотан ешым ойырат

Фотом marimedia.ru сайт гыч налме.

7-8 июльышто Чебоксарыште «Успешная семья Приволжья» конкурсын финалже эрта. Тушто Марий Эл гыч Яранцев еш тиде почётан лӱмым сеҥен налаш тырша. Юлсер кундем гыч еш — кугу. Тамара Анатольевна шкенжын кок йочажым да ашнаш налме ныл йочам шкетын ончен куштен. Кызыт ӱдырамаш ийготыш шудымо вич икшывым ашнан налын.

Яранцевмыт спортым йӧратат. Нуно чыланат пырля турпоходыш коштыт, колым кучат, чодыраште поҥгым да емыжым погат, велосипед дене кудалыштыт.

Тиде еш чот дене гына огыл, усталык дене ойыртемалтеш. Нуно «Юл Сем» семӱзгар еш ансамбльым чумыреныт.

Тамара Анатольевна — тӱвыран сулло пашаеҥже, Йыван Кырла лӱмеш медаль дене палемдалтын, Марий Эл Правительствын «Душа народа» премийын лауреатше.

Яранцевмыт шуко гана тӱрлӧ конкурслаште сеҥышыш лектыныт. 2012 ийыште Республик кӱкшытан «Лучшая замещающая семья Республики Марий Эл» конкурсышто икымше лийыныт 2022 ийыште мартыште «Самая творческая семья» номинаций дене палемденыт.

Районысо «Щит России» фестиваль-конкурсышто патриот мурым мурымаште лауреат лийыныт.