8 мартыште Йошкар-Оласе Сосновый рощышто МАРИЙ ФОРЕСТ RUN ойыртемалтше куржталмаш лиеш. Backyard Ultra форматыште тудо икымше гана эрта.
Таҥасымашын форматше
Backyard Ultra – тиде шке регламентан чытышым тергыше ӱчашымаш:
●Кажне шагатыште участник-влак 6,7 меҥге кужытым куржыт.
●Тӱҥ задаче – палемдыме жапыште дистанцийым эрташ.
●Тиде таҥасымаш дистанций ик участник кодмеш шуйна.
Спорт да таза илыш-йӱлам кучымо пайрем
МАРИЙ ФОРЕСТ RUN – тӱрлӧ формат дене эртаралтше спорт фестиваль.
● Ты мероприятийыш икымше гана ушнышо-влак 1-2 кругым шке темпыште куржын, шкеныштым тергат.
● Куржталаш йӧратыше-влак шкеныштым у форматыште терген, икоян-влак коклаште куржын кертыт.
●Профессионал-влаклан шке вийыштым тергаш да рекордым шындаш таҥасаш йӧн пуалтеш.
Тӱҥ дистанций деч посна участник ден уна-влакын оҥай программым, каныме зоным да модыш-влакым ямдылат.
Приз фонд да лӱмын ыштыме номинаций-влак
●Таҥасыше эн сай участник-влаклан тӱрлӧ пӧлекы, оксам пуат, тыгак Backyard Ultra у тӱнямбал рекордым шындышылан суперприз – Tesla автомашина — логалеш.
●Посна номинаций-влакым тӱҥ дистанцийым эртыше ӱдырамаш, рекордсмен да участник-влак коклаште палемдыме.
Мероприятий нерген кумданрак https://t.me/Backyardyoshkarola официальный Телеграм-каналыште пален налаш лиеш.
Регистраций: https://orgeo.ru/event/participants/41088