Тулым эскерыде кучылтмылан кӧра, Марий Элыште тений идалык тӱҥалтыш гыч 56 пожар лийын. Тулышто куд еҥ йӱлен колен.
Июнь тылзыште гына тамакым шупшмылан кӧра кум еҥын ӱмыржӧ кӱрылтын.
20-22 июньышто кандаш пожар лийын: Йошкар-Оласе Ломоносов уремыште кок гана, Строитель уремыште, Курыкмарий район Изи Йоласал ялыште, Марий Турек район Марий Пыламарийыште, Морко район Эҥерсолаште, Шернур районышто да Волжск олаште.
Кок кечыште вич корно туткар лийын. Тушто 11 еҥ эмганен.