МОСИ-ште «Ребёнок в современном мире» республик кӱкшытан ача-ава форум икымше гана эртаралтын.
Тушко педагог, ача-ава ден кугыжаныш кучемын еҥже-влак (чылаже 130 еҥ) ушненыт. Пленар заседанийыште форумын участникше ден экспертше-влак еш, йочам воспитатлымаш, ача-ава ден икшывын кылышт нерген каҥашеныт. Варажым икмыняр площадкыште йоча дене лекше нелылык шотышто мутланыме.
Форумын организаторажо-влак — Марий Эл Республикын образований да науко министерствыже, «Межрегиональный открытый социальный институт» АНО ВО, Психолого-педагогический, медицинский да социальный полышым пуышо «Детство» рӱдер« , Республики Марий Эл «Федерация психологов образования России» общероссийский общественный организацийын регионысо отделенийже.