2 гыч 15 сентябрь марте Марий Элыште «Внимание, дети!» оперативно-профилактический мероприятий эртаралтеш.
Тений республикыште 16 ияш марте йоча да подростко-шамыч дене лийше 87 корно туткарым регистрироватлыме, тушто ик йоча колен, 100 наре еҥ сусырген. Кажне кумшо тыгай ДТП годым транспорт ийготыш шудымо йолешкым тӱкен, нунын кокла гыч кажне кумшо случайыштыже йолешке шкеже корно правилым пудыртен. Велосипед але мототранспорт дене кудалыштше ӱдыр-рвезе-влакат корно правилым шуктыдымылан кӧра ДТП лияш амалым чӱчкыдын ыштеныт.
15 сентябрь марте полиций пашаеҥ-шамыч Марий Элысе школла ден техникумлаште тематический классный шагат ден корно лӱдыкшыдымылык дене палдарыше урок-влакым, моло мероприятийым эртарат. Тыгак рейд дене лектедат, водитель-влакын йочам кондыштарыме годым правилым шуктымыштым тергат. Полиций наряд-влак школ, йочасад ден ешартыш шинчымашым пуышо тӧнежла воктене патрулироватлат.