Марий Элыште «Йоча филармоний» шкешотан туныктымо кумдык ышталтеш
Тӧнежын туныктымо программыже 6 гыч 9 ияш марте йоча-влакын усталыкыштым вияҥдымашке виктаралтын.
Занятий-влак Я.Эшпай лӱмеш Марий кугыжаныш филармонийыште эрташ тӱҥалыт. Школын туныктышыжо-влак регионысо кумдан палыме тӱвыра пашаеҥ-шамыч – Э.Сапаев лӱмеш Марий кугыжаныш опер да балет театрын артистше-влак Татьяна ден Алексей Чистяковмыт — улыт.
«Йоча филармонийын» вуйлатышыже-влак: Александр Селиванов – «Марий Эл» Кугыжаныш куштышо ансамбльын художественный вуйлатышыже, Марий Эл Республикысе тӱвыра, печать да калык-влакын пашашт шотышто министерствын воспитательный службыжым вуйлатыше, Елизавета Селиванова – «Марий Эл» Кугыжаныш куштышо ансамбльын тӱҥ балетмейстерже, «Волгенче» Всемарийский йоча куштышо ансамбльын художественный вуйлатышыже.