Регионысо ГИБДД-н пашаеҥ-влак 2020 ийым иктешленыт. Тидын нерген Республикысе элгӧргӧ министрын алмаштышыже Алексей Коновалов каласкален.
Идалык жапыште корно туткарыште эмганыше-влак 23%-лан шагалемыныт. Чылаже 677 аварий лийын. Тушто 920 еҥ эмганен, 75 еҥ колен. ДТП-н тӱҥ амалже: айдемым тӱкат але машина-влак ваш керылтыт.
Йӱшӧвуя машинам виктарымылан кӧра лийше туткар-шамыч шукемыныт. Тыгайже 82 случай лийын. ГИБДД пашаеҥ-влак идалык мучко йӱшывуя кудалыштше 2800 еҥым кученыт.
Йоча да самырык тукым дене кылдалтше туткар-влак ныл пачаш шагалемыныт.
Интернет гыч налме фото.