5 декабрьыште Йошкар-Оласе кӱртньыгорно вокзал воктене калык ятыр погынен ыле. Амалже икте – Йӱштӧ Кугызан поездше толын.
Поезд 19 вагонан ыле, кажныже шкешотан. Билет-влакым ончылгоч налын пытареныт. Но тыгак 10-шо ден 12-ше вагонлаш оксам тӱлыде пураш лийын. Тидлан черетым гына вучаш кӱлын, а тудо изижак огыл ыле. Тыгак кумылан-влак машинистын верышкыжат пурен кертыныт. А эше йоча-влак кочайлан серышым колтеныт.
Поезд эл мучко 22 октябрь годсек коштеш. Тудо чылаже 130 утла олаш миен шушаш.
13 январьыште Великий Устюгыш пӧртылеш.