Кодшо каныш кечылаште йӧрыкташ мондымо сигарет амаллан кӧра ШЕРНУР кундемыште Калеево ялыште айдеме илышым тул авалтен наҥгаен. Йӱдым ик пачашан илыме пӧртыштӧ пачер йӱлен. Пошкудо-влак веранде гыч лекше шикшым ужын, Марий Эл МЧС-ыш йыҥгыртен, вигак йӱлышӧ суртыш куржыныт. Пӧлемыште шикш коклаште кок пӧръеҥ капым муыныт. Нунын кокла гыч иктыжым утарен кертме огыл — тудо аярген колен. Кокымшо вашкеполыш машина дене наҥгаеныт. Жапыште толын шушо утарыше-влак тулым йӧрыктен, умбаке шарлымыжым чареныт.