Йӧн уло

COVID-19 дене черланыше-влаклан Марий Элысе кандаш медицине учрежденийыште 750 вер уло. Тидыже Россий минздравын йодмо норматив деч шукырак.
Марий Эл Республикысе тазалыкаралтыш министр Марина Панькован ойлымыж почеш, ешартыш вер кӱлеш лиеш гын, Марий Турек посёлкысо эмлымверыш вераҥдаш йӧн уло.
Коронавирус чер ден эмганыше-влаклан реабилитаций рӱдерым Волжский район Кичиер посёлкышто почаш шонат.