МедведевоРуэм школышто «Горящие сердца России» лидер-организатор-влакын республиканский форумышт эртаралтын. Тушко 700 наре участник – Совет Первых органын чолга еҥже-влак, «Движение первых» толкын гыч нунын наставникышт, партнёр организаций-влакын еҥышт – чумыргеныт. Форум годым идалыкаш пашам иктешленыт да ончыкыжым ыштышаш сомыллан тӱҥалтышым пыштеныт.
– «Йӱлышӧ шӱм-влак» ятыррак лийышт, тендан примерда дене эшеат шуко ӱдыр-рвезе кумылаҥже да «Движение Первых» толкыныш ушныжо манын тыланем. Сеҥымаш да проектда нерген молыланат каласкалыза, нунат республикнан илышыштыже шкеныштым чолган ончыктышт, – ойлен Марий Элым Вуйлатыше Юрий Зайцев.
Форум годым «Движение Первых» толкынын ойыртемалтше активистше-шамычлан да нунын наставникыштлан наградым Марий Эл Республикысе Правительстве Председательын алмаштышыже – тӱвыра, печать да калык-влакын пашашт шотышто министр К.Иванов да образований да науко министр Л.Ревуцкая кучыктеныт.
Марий Элысе Образований да науко министерствын сайтше гыч налме фото.