Моско олаште «Идалыкын ешыже – 2025» Всероссийский конкурсым иктешленыт. Тушто элнан тӱрлӧ регионлаж гыч 450 еш таҥасен.
Участник-шамыч куд тӱрлӧ номинацийыште вийыштым тергеныт. «Еш – йӱлам аралыше» номинацийыште Козьмодемьянск ола гыч Макаровмыт сеҥеныт. Макаровмыт тукым гыч тукымыш курыкмарий ешын йӱлажым, тӱвыражым, ыштыш-кучемыжым арален илат. Александр Васильевич ден Мария Георгиевна ныл ӱдырым да ик эргым ончен-куштат. Нуно краеведенийым, Козьмодемьянск олан историйжым кумылын шымлат. Тидлан йоча-шамычыштымат туныктат.