Тӱзатышаш верч
Йошкар-Оласе администраций рӱдоласе вер-влакым 2021 ийыште тӱзатышаш верч темлымаш-влакым 13 июнь марте налеш.
Олаште илыше-влак могай площадьым, тротуарым, сер воктенысе верым, паркым, скверым эн ончыч тӧрлаташ кӱлмӧ шотышто темлымашым Йошкар-Ола администрацийыш намиен пуэн але blagoustr_gorod@i-ola.ru электрон почтышко колтен кертыт. Тушто ФИО, илыме адрес, тӧрлаташ темлыме общественный вер нерген кӱчыкын сералтыман. Тений Йошкар-Олаште 11 тыгай верым уэмдышаш улыт.
СНИМКЫШТЕ: Йошкар-Оласе Димитровский парк.