«Изи принц» — манси йылме дене

Фотом libhm.ru сайт гыч налме.

Антуан де Сент-Экзюперин «Изи принц» повестьшым манси йылмыш кусареныт. «Мань хонкве» книган презентацийже 22 мартыште Ханты-Мансийскыште «Буква» библиорумышто эртен. Тидын нерген «Ханты Манси Мир» сеть савыктыш увертара.

Повестьым кусарымаш пашалан «Луима сэрипос» калык газетын вуйлатышыже Галина Кондина вуйын шоген. Книгашке Антуана де Сент-Экзюперин ойыртемалтше сӱретше-влакат пуреныт.

«Изи принцым» турлӧ йылмыш кусарыме проектым Швеций гыч йылмызе Яир Сапир шонен луктын. Сапир Российысе шагал еҥан калык-влакын тӱвыраштым шуко ий шымлен. Йылмызе кумдан палыме повестьым финн-угор йылмылашке кусарыме шонымаш дене «Edition Tintenfass» немыч савыктышыш йодмашым колтен.