Историйым тунемза

Фотом mincult12.ru/ сайт гыч налме.

Марий Эл Республикысе тӱвыра, печать да калык-влакын пашашт шотышто министерствыште Россий исторический обществын Марий Эл пӧлкажын учредительный заседанийже лийын.

Кундемыштына тудым ыштыме шотышто 2021 ий ноябрьыште мутым лукмо. Марий Элысе пӧлка – 52-шо. Тудым Марий Элысе Кугыжаныш архив пелен ыштыме. Тудын директоржо Александр Одинцовлан пӧлкам вуйлаташ ӱшаныме. Заседанийыш толшо-влак историйым, тудын региональный компонентшым школышто, ссузлаште туныктымо, историй специальность дене шинчымашым пуымо да историйым чын ончыктымо нерген мутланеныт.