Имне, чеверын! Гепард, салам!

 

Имне идалык дене вес ийын 21 мартыште чеверласена да 22 мартыште Гепард идалыкым вашлийына.

Гепард могай янлык? Тудо пий гайрак ола-вула але леопард гай тӱсан, пырыс тӱшкашке пурышо янлык. Шукынжо тудым зоопаркыште ужынна.

Марий калыкын тӱҥ онаеҥже А.Таныгинын каласкалымыж почеш, Гепард идалык писылыклан, кучедалмашлан, шуко вашталтышлан поян лиеш. Чулым аза-влак шочыт, а кушкын шогалын, виян, сарзе лийыт. Ме марий улына, пӱртӱс деке чак кылдалтынна, сандене шот дене радамым шуктен, шнуй-шамычнам пагален, вийнам чумырен, ончыко каена.

Марий кечышот почеш 32 идалыкым шотлат. Гепард 1926, 1958, 1990 да 2022 ий-влаклан шотлан толеш. Руш полководец Александр Суворовын вуйлатыме почеш руш войска Гепард идалыкыште орым сеҥен налын. Тудо писылыкше дене ойыртемалтын, чапым налын, лӱддымылыкым ончыктен. Но, чаманен каласыман, мом сеҥен налме, кужу жаплан лийын огыл. Иктаж элым але эше весым поген налына гынат, мыняр жап тудо мемнан лиеш, ала? Молан манаш гын гепард писылым ончыкта, но кужу жап кудалын ок сеҥе, чарнен шогалеш.