Кызыт пеш вашке кылмен черланаш лиеш. ОРВИ, ОРЗ дене веле огыл, грипп да коронавирус денат. Кузе аралалташ? Аптекылаште эм шуко, но райрӱдӧ деч тораште илыше-влакын тушко миен толаш эреж годым йӧнышт уке. Тыгай годым калык медицине полшен кертеш.
ВИТАМИН-ВЛАК КӰЛЫТ
Черланаш огыл манын, иммунитетым пеҥгыдемдыман. Ты шотышто женьшень ден элеутерококк пеш пайдале улыт. Тыгак пӧчыж, шуанвондо, лимон чайым чӱчкыдынрак йӱман. Эрдене яра пагареш ик стакан апельсин да кеч-могай фруктан сокым йӱза, а кастене ик пӱй чеснокым але шоган салатым кочса.
Грипп талышныме жапыште организмлан витамин-влак (А, С, Е) поснак кӱлыт. Кок ша-
гат еда апельсиным, курагам, бананым, олмам але пел изи совла мӱйым кочса.
Грипп годым тыгыде тёрко гоч нӱжымӧ чеснок ден мӱйым икнаре налман да иктеш сайын варыман. Ик кугу совла ты вартышым, шокшо вӱд дене подылын, йӱдлан йӱман.
ӰЙ-ВЛАК ПОЛШАТ
Ароматерапий, коронавирус денат черланен тӧрланымеке, пеш пайдале лиеш, тыгак стрессым кораҥдаш полша.
Аромамассаж дене ревматизмым, радикулитым эмлат, чогашыл да йыжыҥ корштымым
кораҥдат.
Эфирный ӱй-влакым ваннысе вӱдыш ешараш сай. Коваште гоч нуно организмыш логалыт, нервышке шуыт. Бергамот, базилик, мелисса ӱй-влак депрессийым эмлат. Эвкалипт, лимон ӱй-влак уш-акылым сайынрак пашам ышташ таратат. Иссоп ӱй изи давлений годым сай. Вуй коршта гын, висвис, шалфей, чайный пушеҥге ӱй-влакым кучылтман. Артрит годым имбирь, шем пурыс ӱй-влак полшат.
Мый тыгай ӱй-влакым шке ямдылем, тӱрлӧ шудым погем. Кӧлан кӱлеш гын, почто дене колтен кертам.
Валерий РОДЧЕНКОВ.
Тверь ола.
Тичмаш статьям 28 январьыште лекше номерыште лудса.