Тений 17 апрельыште Йошкар-Ола гыч Моско марте икымше гана кок пачашан поезд кая. Тудын составыштыже ончычсо семын плацкарт да СВ вагон-влак огыт лий, лач купе веле.
Кӱшылсӧ верын акше 2000 тӱжем теҥге гыч тӱҥалеш, ӱлкӧ вер 3000 тӱжем теҥге утла шога. Поезд ондакысе расписаний денак коштеш.
Моско марте тыгак самолёт дене миен шуаш лиеш. Вияш рейсым Йошкар-Ола гыч Внуково аэропорт марте «РусЛайн» авиакомпаний шукта. Билетын акше 3840 тӱжем теҥге гыч тӱҥалеш.
Кок пачашан поезд-влак йотэллаште 20-шо курым тӱҥалтышыштак кудалыштыт. Российыште 2009 ийыште веле кок пачашан состав корныш лектын.
