Эртыше кечылаште Саранскыште «Герои финно-угорских народов Российской Федерации. Связь поколений, преемственность традиций» общероссийский конкурсым иктешленыт.
Тыгодымак 1941–1945 ийласе Кугу Ачамланде сарын да спецоперацийын геройжо-влаклан пӧлеклалтше фотоончерым иктешлыме. Российысе Финн-угор калык-влакын ассоциацийыштым вуйлатыше Пётр Тултаев ончерым почын да конкурсышто сеҥыше-шамычлан пӧлек ден дипломым кучыктен.
«Подвиг его бессмертен» номинацийыште Марий Эл гыч Аркадий Максимович Курочкин I степенян диплом дене палемдалтын. Тудо шке творческий пашаштыже Российын Геройжо Анатолий Георгиевич Ивановын боевой корныж нерген каласкален.
Конкурсышто сеҥыше-влакын пашаштым ончыкыжым посна книга дене савыктен лукшаш улыт.
Российысе Финн-угор калык-влак ассоциацийын тӱшкаж гыч налме фото-влак.