Тений 1 февраль гыч шуко пособий кугемеш.
Ешыште икшыве шочын гын, пашадарым да пашам ышта але укем ончыде, вате але марий единовременный пособийым оформитлен кертыт. Тудын кугытшо январь мучаш марте 18886 теҥге лиеш. А 1 февраль гыч оксам 5,8 процентлан индексироватлат да 19981 теҥге лиеш. Йодмашым, йоча шочмеке, пел ий жапыште пуаш лиеш. Пашам ыштыше еҥ, организацийын бухгалтерийышкыже але кадр пӧлкашке кайышаш, пашам ыштыдыме – соцзащите органышке. Индивидуальный предприниматель-влак йоча пособийым социальный страхований фонд гоч оформитлат.
Икшывым эргылыкеш (ӱдырлыкеш) налше еҥ але опекун тынарак оксам налаш тӱҥалеш. 7 ий деч кугурак ийготан инвалидым але вигак иза-шӱжарым эргылыкеш (ӱдырлыкеш) ончаш налыт гын, кажне йочалан кугурак компенсаций ойыралтеш: 31 январь марте 144307 теҥге лиеш, варажым – 152677 теҥге.
«Парламентская газета» тыге воза.
Марина БОГДАНОВА.