Эртыше арня чыланнамат сайынак лум дене куандарыш, а тиде арнян пӱртӱс мом ончыкта? Игече могай лийшашым калык пале-влакын полшымышт дене айста пален налына.
16 декабрьыште окна йымалне ӧрш чогымата – игече левыктышаш.
17 декабрьыште кожын кужу кукшо укшыжо лывырга гын, поран лийшаш.
18 декабрьыште пий лумышто пӧрдалеш, шагал кочкеш да шуко мала – поранлан.
19 декабрьлан чыла корным ӱштын шында гын, лум У ий марте лумаш тӱҥалеш.
20 декабрьыште ночко лум лумеш – кеҥежат ночко лиеш, кукшо лум – кеҥежат кукшо.
21 декабрьыште киса шылаш верым кычалеш гын, поранлан.
22 декабрьыште ояр игече шога гын, 31 декабрьыште ояр да йӱштӧ лиеш, игече пылан да пушеҥгыште пӧрш лиеш гын – пылан да леве лиеш.